Apne
daftar mein aise anasir ka mutala karein jo budnazmi paida karte hain.Konsi
baat unhey uksaati hai jis ki waja se kaam mein khalal paida hota hai.
Meeting
set karte waqt tamam mutaliqa afraad ko email bhejein jis mein meeting k auqaat,jagah,agenda
k sath unki shirkat ki tasdeeq ki darkhwast bhi ho.
Daftar
mein aapka rawaya aapki zimadariyon jitna he aham hai.Mutakabir aur na
khushgawar rawaya aap k behtareen kaam ko bhi manfi kar de ga.
Interview
k ikhtatam par tasali se apna sara saaman uthaein,interview panel ka shukriya
ada karein aur sab se hath mila kar kamre se bahir aa jaein.
Daftar
mein apne tamam sathion ki izat kijiye,chahay woh kisi bhi rang,nasal ya mazhab
se taluq rakhtay hain.Aap izat karaingay tou izat payen gay.
Contractual
nokri karnay se pehle tasali kar lein k aya contract renew ho jaye ga ya yeh
kum muddat ki nokri hai.Is k mutabik mansooba bandi karain.
Aksar
companies saalana bonus december mein jarri karti hein.Apne HR department se is
k mutaliq pehlay hi agahi ley lein.
Doosron
ki tajaweez par ghor karain, khaas taur par un doston ki jo aik kamyaab
paishawarana zindagi guzaar rahay hain.
Chutti
karne se kum us kum 24 ghantey pehlay apne boss ko agha karein.Tamam aham zair
e samaat kaamon ki list unhein dein.
Apni
salihiyaat aur takneeki hunar ko jidat dein.Mojuda rujhan k mutabiq aise shobon
mein trainings hasil karein jo baishtar naukriyon mein appk kam aein.
Meeting
par takheer se pohanchna aik toheen amaiz ikdaar hey,khasoosan uss shaks k liye
jis ney apney qeemti waqt mein se app k liye time nikala ho.
Daftar
mein kisi aik do afraad ki ghalti ki wajah se tamaam afraad par koi qanoon
musalat na karein.Ye daftar mein manfi mahol paida karta hai.
Nai
Naukri ki paishkash par ghor karte huey is mein taraqee k muwaqon ka tay'yun
zaroor kar lein.Nai naukri ap k paishawarana maqasid k mutabiq ho.Tunkhwa k
baraks auhdey aur zimadariyoun ko tarjeeh dein.
Daftari
muamlaat mein mafroozon aur suni sunayi baaton se parhaiz karein.Yeh apki aur
karobar ki tarakee k liye nuksandeh ho sakte hein.Behtar hey k shak par amal
karne ki bajaye ap tehkeek aur mashawrat se kaam lein.
Jab
aap kisi project k sarbarah houn tou aap ko chahiye k aap us baray mein puri
maloomat rakhain ta k aap apnay team members ko woh asani se samjha sakain.
Intehai
zaroorat mein he chutti karain.Agar aap sust mehsoos kar rahay hain tou yaad
rakhain,bohat berozgar loge hain jo aap ki jaga le saktay hain.
Apni
raaye 3 steps mein dein. Apnaya gaya tareeka batain. Phir uska nateeja. Matehat
ki raaye aur phir apna mushwara dain.
Poucho,
Suno aur Seekho! Apne se baron ki aur boss ki sunain, un se poochain aur un k
tajarbay se sabak seekhain.
Naukri
k liye hamesha un tulba ko tarjeeh di jati hai jo qabil e aitemad aur mehanti
houn beshak un ka guzishta experience kisi aur industry ka ho.
Tulba
k liye naukri ka experience na honay ki waja se,CV per sab se ahem tareen unki
taleemi maloomat hoti hain.
Agar aapki angrezi achi nahi tu interview mein iss k
istemaal ko mukhtasir rakhein.Ghalat Grammar se interviewer ko aap ki kaabliyat
per shuk hoga.
Agar
apki company apki tunkhuwa se mahana tax katati hey tau zaroori hey k app har
karobari saal k ikhtitam par company se aik Tax Certificate lein.
Pehli
naukri mein boss ka ap se mutasir hona ap ki paishawarana tarakee k liye ahm
hey.Unki tuwaquat par poora utarney ki bharpoor koshish karein.
Zaroori
hey k ap apni munfarid salahiyat ka istaimal zaroor karein jin se ap ka mahkma
ya company mustafeed hoon. Pehli naukri mein yeh apk k liye nihayat faidamand
sabit ho sakta hey.
Apney saathiyon ki madad karney sey mut katraein.Har us kaam
mein hisa lein jo ap k mahakma ya company k liye mufeed hey.
Aadat
dalein k agar kisi sawal k jawab na aata ho tau us ki tehkeek zaroor karein.Ap
bohat jaldi bohat kuch seekh sakein gey.
Agar
app company mein aala maqam chatey hein tau yakeeni banaein k log aap ki
karkardigi aur kamyabiyon se ba khabar hon.
Keep on Learning... Stay Blessed!
Team
Scouts HR